“Klubun rəhbərliyi dəyişməyənə qədər yenidən komandanın formasını geyinməyim inandırıcı görünmür”. Bu sözləri apasport.az saytına açıqlamasında Tovuzun “Turan” klubunun futbolçusu Muammer Erdoğdu deyib.

Unibank Premyer Liqasının XXXI turunun “Olimpik-Şüvəlan”la qarşılaşmasını buraxan türkiyəli legioner komandada oynamaq istəməməyinin səbəbini açıqlayıb: “Özünüz hər şeyi görürsünüz. İndiki rəhbərliyin futboldan anlayışı elə də geniş deyil. Konkret icra başçısı Tofiq Zeynalov kluba rəhbərlik etdiyi müddətdə geri dönməyəcəyəm”.

Son tur zamanı “Turan”ın oyununda deyil, “Bakı” – “İnter” görüşündə olan Erdoğdu bunun gələcək karyerası ilə bağlı olmadığını bildirib: “Paytaxt klublarından biri ilə danışıqlar aparıram. Lakin bu “Bakı” klubu deyil”.

Qeyd edək ki, Muammerin “Bakı”nın vitse-prezidenti Tunc Afşarla yaxın münasibətləri var.

• Dünyanın ən yaxşı gənci yenə Yamal seçildi
• Portuqaliya millisinin üzvü “Tottenhem”də qalacaq
• Haalanddan növbəti uğur: Sulşerə şərik çıxdı
• Buskets qərarını verdi: KARYERASINI BAŞA VURUR
• Artetadan unikal nailiyyət