"Neftçi" və SSRİ veteranları arasında keçiriləcək oyunun vaxtı və məkanında dəyişiklik edilib. Bu barədə apasport.az saytına "Neftçi" Veteran Klubunun prezidenti Oqtay Abdullayev məlumat verib. O, matçın "Şəfa" stadionunda keçiriləcəyini bildirib: "Dəyişikliyin müxtəlif səbəbləri var. Bildiyiniz kimi, mayın 14-də AFFA-nın təşkilatçılığı ilə tələbə liqasının açılışı olacaq. Biz də məhz həmin gün açılış mərasiminin olacağı "Şəfa"da oynayacağıq".

AFFA və "Neftçi" veteran klubu bu addımı azarkeş toplamaq üçün atıb: "Əlbəttə, boş tribunalar önündə oynamaq çətindir. SSRİ yığmasının Azərbaycana gəlməsinə şərait yaradan AFFA həmin gün “Şəfa”da anşlaqın olacağını nəzərə alıb, oyunu məhz bura təyin etdi. 20 nəfərlik SSRİ yığması mayın 13-də Bakıda olacaq. Ələkbər Məmmədovun 80 illik yubileyinə həsr olunmuş oyun bir gün sonra saat 14:00-da başlanacaq".

Qeyd edək ki, əvvəlcədən oyunun Tofiq Bəhramov adına Respublika stadionunda keçirilməsi planlaşdırılmışdı.

• Dünyanın ən yaxşı gənci yenə Yamal seçildi
• Portuqaliya millisinin üzvü “Tottenhem”də qalacaq
• Haalanddan növbəti uğur: Sulşerə şərik çıxdı
• Buskets qərarını verdi: KARYERASINI BAŞA VURUR
• Artetadan unikal nailiyyət