“Qəbələ” klubunda 10 il işləməyə hazıram. Qarşıdakı 5-10 il ərzində Çempionlar Liqasının qrup mərhələsinə çıxarıqsa, bunu məşqçi karyeramın uğuru sayacağam”. Apasport.az saytının məlumatına görə, bu sözləri “Qəbələ” klubunun baş məşqçisi Toni Adams deyib.

Britaniya mətbuatına müsahibə verən ingilis mütəxəssis Azərbaycanda qazanacağı hər hansı titulun dəyərini açıqlayıb. Adams məşqçi kimi qazanacağı ilk uğuru kolleksiyasındakı UEFA kubokunun qalibi və İngiltərə çempionu titulları ilə müqayisə edib: “Qəbələ” ilə Azərbaycanda qazanacağım mükafatlar mənim üçün heç də İngiltərə və Avropada əldə etdiklərimdən fərqləndirməyəcəyəm. Onları da fəxrlə digər qənimətlərimin yanında saxlayacağam”.

Qeyd edək ki, Azərbaycan futbolu tarixində heç bir klub Çempionlar Liqasının qrup mərhələsində oynamayıb.

• "Arsenal" Qyökereşin transferinə yaxınlaşır
• “Fənərbaxça” Brayt Osayi‑Samuellə yollarını ayırıb
• "Barselona" 22 yaşlı futbolçusunu göndərib
• "Brayton" Belçika millisinin üzvünü transfer edib
• "Yuventus"lu Türkiyə yolunda