AFFA SSRİ-nin idman ustası və əməkdar məşqçisi, professor Ələkbər Məmmədovun 80 illik yubileyi ilə əlaqədar bir sıra tədbirlər keçirəcək. Apasport.az saytının məlumatına görə, sabah saat 14:00-da “Şəfa” stadionunda “Neftçi” klubunun veteranları ilə keçmiş SSRİ yığmasının üzvləri arasında yoldaşlıq görüşü təşkil olunacaq.

Yoldaşlıq görüşündə “Neftçi”nin heyətində Cəmaləddin Əliyev, Faiq Əzizov, Elxan Həsənov, İsgəndər Cavadov, Maşallah Əhmədov, Asim Xudiyev, Oqtay Abdullayev, Səttar Əliyev, Musa Qurbanov, Qurban Qurbanov, Bəxtiyar Musayev, Təbriz Həsənov, Vəli Qasımov, İqor Getman, Arif Əsədov, İlqar Hüseynov, Elmir Xankişiyev, Yaşar Hüseynov, Mahir Musayev, Şamo Hüseynov, Asif Əliyev, Səmədağa Şıxlarov yer alacaq. Komandamızın baş məşqçisi də veteran futbolçumuz, Səməd Qurbanovdur.

SSRİ yığmasının üzvləri kimi Bakıya gələnlər Valeri Novikov, Dmitri Kuznetsov, Axrik Tsveyba, Dmitri Kudinov, Aleksandr Şmarko, Aleksandr Panov, Mixail Markin, Arkadi Belıy, Albert Oskolkov, Sergey Kiryakov, Vladimir Semikin, Yeqor Titov, Marat Abyanov, İqor Dobrovolski, Viktor Losev, Sergey Zubanov, Vladimir Morozov, Valeri Butenko, Yuri Kuznetsov, Sergey Kotrikadze, Murtaz Xurtsilava, Aleksandr Çivadze, Andrey Buba, Leonid Buryak və Anatoli Demyanenkodur. Sonuncu 2008-ci ildə 9 ay “Neftçi”ni çalışdırıb.

Qeyd edək ki, ən istedadlı futbolçularımızdan olan Ələkbər Məmmədov AFFA-nın İcraiyyə Komitəsinin üzvüdür.

• "Arsenal" Qyökereşin transferinə yaxınlaşır
• “Fənərbaxça” Brayt Osayi‑Samuellə yollarını ayırıb
• "Barselona" 22 yaşlı futbolçusunu göndərib
• "Brayton" Belçika millisinin üzvünü transfer edib
• "Yuventus"lu Türkiyə yolunda