“Neftçi”nin sabiq baş məşqçisi Vaqif Sadıqov veteran futbolçu Ələkbər Məmmədovun 80 illik yubileyi münasibətilə təşkil olunacaq tədbirlərə qatılmayacaq. Bu haqda Lent.az-a 51 yaşlı mütəxəssisin özü məlumat verib.

Sadıqov “Neftçi” və keçmiş SSRİ yığmasının veteranları arasında mayın 14-də “Şəfa” stadionunda baş tutacaq qarşılaşmada yer almayacaq. O, çoxdandır məşq etməməsini səbəb göstərib: “Mənə veteranlardan ibarət komandada yer almağımı təklif etdilər. Lakin çoxdandır məşq etmədiyimi söyləyərək, bu oyunda çıxışımın mümkünsüzlüyünü bildirdim. Yoldaşlıq görüşünün olmasına baxmayaraq, SSRİ-nin bu cür tanınmış futbolçularına qarşı hazırlıqlı oyunçular çıxış etməlidirlər”.

“Neftçi”nin sabiq futbolçusu yubiley tədbirlərində yer almayacağını da bildirib: “Şəxsi işlərimlə əlaqədar sabah Bakıda olmayacağam. Buna görə də tədbirə qatıla bilməyəcəyəm”.

• Cənubi Koreyada DÇ fiaskosuna dövlət müdaxiləsi - Prezident araşdırma tələb etdi
• “Qalatasaray” Sançez üçün "qapını açdı" - Təklif gələrsə, satıla bilər
• Qrupda qaldılar: Cənubi Koreyanın baş məşqçisi istefa verdi
• “Çelsi”dən sürpriz transfer həmləsi: LONDONA QAYIDIR
• “Liverpul” Kyezanı satır: Qiyməti müəyyənləşdi