“Qalib gəlməyimiz birinci növbədə özümüzə lazımdır. Bununla həm söz-söhbətlərə son qoyarıq, həm də medal qazanarıq”. Apasport.az saytının xəbərinə görə, bu sözləri “Bakı” klubunun futbolçusu Mahmud Qurbanov deyib.

Paytaxt təmsilçisi sabah Unibank Premyer Liqasının sonuncu turunda “Xəzər-Lənkəran”ın qonağı olacaq. Bu oyunla bağlı klubunun saytına açıqlama verən “Professor” ləqəbli futbolçu bildirib ki, Lənkəranda qələbə qazanmaq asan olmayacaq: “Düzdür, qələbə asan olmayacaq. Lənkəranlı azarkeşlər möhtəşəmdirlər. Eşitmişəm ki, artıq bütün biletlər satılıb. Onların dəstəyi sayəsində qalib gəlməyimiz daha gözəl alınar. Yəqin lənkəranlı azarkeşlər arasında məni unutmayanlar hələ də var”.

Qeyd edək ki, “Xəzər-Lənkəran” – “Bakı” oyunu saat 17:15-də başlayacaq.

• Almaniya millisinin üzvü karyerasını başa vurub
• Mourinyonun müqaviləsinin detalları açıqlandı - hər iki tərəf xitam verə bilər
• Pereyranın durumuna aydınlıq gəldi
• ÇL-də həftənin oyunçusu adına namizədlər bəlli olub
• Mateuş Silva Çempionlar Liqasının rəmzi heyətində