“Neftçi” komandasının Türkiyənin “Beşiktaş” klubu ilə yoldaşlıq görüşü keçirəcəyi dəqiqləşib. Apasport.az saytının məlumatına görə, paytaxt təmsilçisi “Qara Qartallar”la iyulun 3-də Avstriyada qarşılaşacaq.

Bununla, “Beşiktaş”ın almaniyalı yeni baş məşqçisi Bernd Şusterin debütünün “Neftçi” ilə görüşdə baş tutacağı gözlənilir. “Ağ-qaralar” hazırlıq keçəcəyi Tirol vilayətində Rusiyanın “Zenit”, Ukraynanın “Şaxtyor”, Avstriyanın “Rid” klubu da yer alacağından, onlarla da yoxlama oyunu keçirmək gündəmdədir. Qalan görüşlər iyulun 7-si və 9-a nəzərdə tutulub.

Qeyd edək ki, “Neftçi” Avstriyada iyunun 27-dən iyulun 9-a kimi təlim-məşq toplanışında olacaq.

• "Real"ın futbolçusu La Liqada komandasını dəyişə bilər
• Sabiq "Qalatasaray"lının yeni klubu bəlli olub
• "Qalatasaray" qabonlu yarımmüdafiəçini komandada saxlayacaq
• Çempionlar Liqasının oyunları bu kanallarda
• Yunanıstan klubunda ayrılıq yaşanıb