“Çelsi”nin yarımmüdafiəçisi Mixael Ballak komandanı tərk edəndən sonra onunla Almaniyanın bir sıra klubları maraqlanmağa başlayıblar. Apasport.az saytının xəbərinə görə, həmin komandalar arasında Leverkuzen "Bayer"i də var.

Klubun idman direktoru Rudi Föller bildirib ki, Ballak barədə düşünməyə bilməzlər: "Mixael burada əla illər keçirib və onunla həmişə əlaqə saxlamışıq. Təbii, transfer məsələsinə sakit yanaşsaq da, imkanlarımızı dəyərləndiririk. İllah da ki, Ballak Almaniyaya dönmək istəyir".

Almaniya yığmasının kapitanı 1998-2002-ci illərdə "Bayer"də oynayıb. Ballak özü də Almaniyaya dönə biləcəyini istisna etməyib: "Vətənimlə fəxr edir, alman həyat tərzini sevirəm. Karyeramı davam etdirmək üçün Almaniyadan bir neçə təklif almışam".

• Sabiq "Qalatasaray"lının yeni klubu bəlli olub
• "Qalatasaray" qabonlu yarımmüdafiəçini komandada saxlayacaq
• Çempionlar Liqasının oyunları bu kanallarda
• Yunanıstan klubunda ayrılıq yaşanıb
• Bundesliqa klubu baş məşqçisi ilə yollarını ayırıb