“Etiraf edim ki, “Xəzər-Lənkəran”la oyun ağır oldu”. Apasport.az saytının məlumatına görə, bu sözləri Ukraynanın “Şaxtyor” klubunun futbolçusu Sergey Krivtsov deyib.

Ukrayna təmsilçisinin 19 yaşlı müdafiəçisi “Xəzər-Lənkəran”la yoxlama oyunundakı 2:0 hesablı qələbənin heç də asan əldə olunmadığını düşünür. Klubunun rəsmi internet saytına açıqlamasında Krivtsov matçla bağlı fikirlərini bildirib: “Kollektiv yeni olduğundan futbolçular arasında anlaşmanın yoxluğu hiss olunurdu. Lakin bu çatışmazlıq düzələn problemdir. Qarşıdakı məşqlərdə və yoxlama oyunlarında bunu aradan qaldıracağıq. Lakin “Xəzər-Lənkəran”la matçı hələ təhlil edəcəyik”.

Qeyd edək ki, Krivtsov “Şaxtyor”a bu yay Zaporojyenin “Metallurq” klubundan keçib.

• "Fənərbaxça" "Tottenhem"lə danışıqlara başlayıb
• Ali Koç "Qalatasaray"ın Osimheni almasına razılıq verib
• "Qalatasaray" Osimhen transferində sona yaxınlaşır
• "Qalatasaray" istəyirdi - "Roma"da qaldı
• Seneqallı futbolçu "Fənər"də