“Qarabağ”ın Avroliqada rəqibi olan Polşanın “Visla” klubuna avrokuboklarda ilk oyunda uduzmaq düşərli olmur. Apasport.az saytının məlumatına görə, Krakov təmsilçisi 1967-ci ildən qatıldığı qitə miqyaslı turnirdə 13 dəfə ilk görüşdə yenilib və bunun 9-da sonda mübarizəni dayandırıb. Panlar yalnız 4 dəfə məğlubiyyətin əvəzini çıxa biliblər ki, bunun birində - İspaniyanın “Real Sosyedad” klubu ilə görüşdə oyun sonrası penaltilər seriyası ilə üstün olublar.

Məlum olduğu kimi, polşalılar evdə “Qarabağ”a 0:1 hesabı ilə uduzublar. Avrokuboklarda debütündə elə bu hesabla Almaniya “Hamburq”una yenilən “Visla” cavab görüşündə darmadağın olunub – 0:4. Onların ilk matçda digər 0:1 hesablı məğlubiyyəti 4 il öncə qeydə alınıb. Ancaq həmin vaxt Yunanıstanın “İraklis” klubu ilə cavab görüşündə lazımı nəticə qazanılır. İstənilən halda, statistika “Visla”nın əleyhinədir və “Qarabağ”ın evdə oynayacağını nəzərə alsaq, mərhələ keçəcəyinə inamımız daha da artır.

1967/68 mövsümü
Kuboklar Kuboku, II mərhələ
“Visla” – “Hamburq” (Almaniya) – 0:1, 0:4

1978/79 mövsümü
Çempionlar Kuboku, I mərhələ
“Visla” – “Brügge” (Belçika) – 1:2, 3:1

1981/82 mövsümü
UEFA kuboku, I mərhələ
“Visla” – “Malmö” (İsveç) – 0:2, 1:3

1984/85 mövsümü
Kuboklar Kuboku, II mərhələ
“Visla” – “Fortuna” (Hollandiya) – 0:2, 2:1

2000/01 mövsümü
UEFA kuboku, I mərhələ
“Visla” – “Real Sosyedad” (İspaniya) – 1:4, 4:1

2001/02 mövsümü
Çempionlar Liqası, II mərhələ
“Visla” – “Barselona” (İspaniya) – 3:4, 0:1

UEFA kuboku, II mərhələ
“Visla” – “İnter” (İtaliya) – 0:2, 1:0

2002/03 mövsümü
UEFA kuboku, II mərhələ
“Visla” – “Parma” (İtaliya) – 1:2, 4:1

2003/04 mövsümü
Çempionlar Liqası, III mərhələ
“Visla” – “Anderlext” (Belçika) – 1:3, 0:1

2004/05 mövsümü
Çempionlar Liqası, III mərhələ
“Visla” – “Real” (İspaniya) – 0:2, 1:3

2005/06 mövsümü
UEFA kuboku, I mərhələ
“Visla” – “Vitoriya” (Portuqaliya) – 0:3, 0:1

2006/07 mövsümü
UEFA kuboku, I mərhələ
“Visla” – “İraklis” (Yunanıstan) – 0:1, 2:0

2008/09 mövsümü
Çempionlar Liqası, III mərhələ
“Visla” – “Barselona” (İspaniya) – 0:4, 1:0

Mehman SÜLEYMANOV

• “Beşiktaş”ın prezidenti: 15 milyon avro verən Rafa Silvanı ala bilər
• “Antalyaspor” Erol Bulutla yollarını ayırıb
• “Qarabağ”ın rəqibi italiyalı futbolçu ilə maraqlanır
• "Qalatasaray"ın futbolçuları Super Liqa klubunun hədəfində
• “Liverpul”un oyunçusu “Qarabağ”la matçı buraxacaq