Rusiyanın “Anji” klubunda oynayan Mahir Şükürov Azərbaycan yığmasının Küveytlə avqustun 11-də keçiriləcək yoldaşlıq görüşünə çağırılıb. Apasport.az saytının məlumatına görə, “Anji”nin rəsmi saytı həmin tarixdə yığmalara çağırılan üç futbolçusu – moldovalı Nikolay Josan və gürcü Georgi İluridze ilə yanaşı, Şükürovu da göstərib.

Ancaq maraqlıdır ki, yığmamızın baş məşqçisi Berti Foqts həmin oyuna heyəti açıqlamayıb. O, Mahiri hazırkı Bakı toplanışına FİFA-nın pəncərəsində nəzərdə tutulmadığı üçün dəvət etməyib. Görünür, Şükürovun Küveytlə görüşə çağırılacağı haqda AFFA-dan “Anji”yə faks daxil olub. Avqustun 11-in beynəlxalq oyun günü olduğunu və Mahirin yığmamıza daim çağırıldığını nəzərə alsaq, dəvət göndərilməsi şübhə doğurmur.

• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ
• TFF-dən “Fənərbaxça”ya: ”Federasiyamız “hesab vermə kürsüsü” deyil”
• Ali Koç TFF-nin inzibati binasına yollanır
• Günün canlı yayımlanacaq matçları - TV AFİŞA