“Birinci hissədən razı qaldım. Oyuna nəzarət bizim tərəfimizdə idi”. Apasport.az saytının məlumatına görə, bu sözləri 21 yaşadək futbolçulardan ibarət Azərbaycan milli komandasının baş məşqçisi Bernard Lippert deyib.

Avropa çempionatının seçmə mərhələsinin Albaniya ilə oyununda qalib gələn yığmamızın almaniyalı çalışdırıcısı matçdan sonra təşkil olunan mətbuat konfransında qarşılaşma haqda fikirlərini açıqlayıb. Lippert 9 illik qələbə həsrətinin qırılmasına sevindiyini bildirib: “Sonradan konsentrasiyanı itirdik. Standart vəziyyətdən qol buraxdıq. İkinci hissəyə də yaxşı başladıq. Lakin qol imkanlarından istifadə edə bilmədik. On ilə yaxındır qələbə qazana bilmirdik. Nəhayət ki, uşaqlar buna son qoydular. Bu komanda uzun müddət bir yerdə oynasa daha yaxşı nəticə qazana bilər. Elvin, Cavid kimi futbolçularla oyunumuz daha keyfiyyətli alınır”.

Qeyd edək ki, Albaniyanı 3:2 hesabı ilə məğlub edən yığmamız Avropa çempionatının seçmə mərhələlərində sonuncu dəfə 2001-ci il sentyabrın 4-də qalib gəlmişdi. Makedoniya zəfərindən 9 il sonra millimiz 37 oyunluq qələbə həsrətinə son qoyub.

• Malen "Aston Villa"da
• Emre Belözoğlu “Antalyaspor”da
• Kvaratsxeliya rəsmən PSJ-də
• "Hatayspor"da yeni baş məşqçi
• Mahirin komanda yoldaşı karyerasını İngiltərədə davam etdirə bilər