“İnter” mənim üçün xüsusi komandadır”

28.09.2010 - 08:35

Bakının “İnter” komandasının çexiyalı yarımmüdafiəçi Branislav Çervenka klubun rəsmi internet saytına müsahibə verib. Apasport.az saytının məlumatına görə, 35 yaşını qeyd edən legioner özünün ad günü haqqında danışıb.

- Ad gününüzü təbrik edirik! 35 yaşınız tamam oldu. Bu, futbolçu üçün sanballı yaşdır. Daha nə qədər oynamağı planlaşdırırsınız?
- Bilmirəm. Nə qədər gücüm və arzum var, o cümlədən səhhətim imkan verir oynayacağam. Başlıcası odur ki, sevimli klubum olan “İnter”ə xeyir verim. Bu, mənim üçün xüsusi komandadır.

- Artıq 4 ilə yaxındır ad gününüzü Azərbaycanda keçirirsiniz. Azərbaycanda keçirdiyiniz hansı ad günün yadınızda qalıb?
- Heç birini fərqləndirməzdim. Ona görə ki, bütün bayramlarım yaxşı keçir. Hər il ad günümü dostlarımın kampaniyasında şən qeyd edirəm.

- Amma komanda yoldaşlarınız “Gəncə” ilə qarşılaşmada sizi qələbə ilə təbrik edə bilmədilər...
- Bəli, elə mən də özümü təbrik edə bilmədim. Amma eybi yoxdur, belə də olur. Əsas odur ki, ruhdan düşməyəsən və oynamağı davam etdirmək lazımdır.

- Bu bayramınızı necə keçirəcəksiniz?
- Axşam mütləq dostlarımla qeyd edəcəyəm. Əlbəttə ki, ailəmlə-valideynlərimlə və həyat yoldaşım və övladımla birlikdə də ad günümü qeyd edəcəyəm.