Unibank Premyer Liqasının VIII turunun oyunlarının keçirilmə yeri və vaxtı məlum olub. Apasport.az saytının məlumatına görə, oktyabrın 1-də və 2-də keçiriləcək görüşlərdən üçünün vaxtı dəyişdirilib.

Belə ki, cümə günü baş tutacaq “Neftçi” – AZAL və “İnter” – “Muğan” qarşılaşmaları 16:00-da deyil, iki saat gec başlayacaq. Şənbə günü “Xəzər Lənkəran”la “Bakı” arasında prinsipial görüş 19:00-da başlayacaq. Bu matç həm də turun son oyunu olacaq.

Qeyd edək ki, turun ilk oyununda meydan sahibi olan “Simurq” turnir cədvəlində sonuncu, axırıncı qarşılaşmanı öz meydanında keçirən “Xəzər Lənkəran” isə birinci pillədə qərarlaşıb.

1 oktyabr (cümə)

16:00. "Simurq" - "Qəbələ"
Zaqatala. Şəhər stadionu

18:00. "Neftçi" - AZAL
Bakı. Tofiq Bəhramov adına Respublika stadionu

18:00. "İnter" - "Muğan"
Bakı. "Şəfa" stadionu

2 oktyabr (şənbə)

16:00. "Turan" - "Qarabağ"
Tovuz. Şəhər stadionu

16:00. MOİK - "Gəncə"
Bakı. Tofiq İsmayılov adına Suraxanı qəsəbə stadionu

19:00. "Xəzər Lənkəran" - "Bakı"
Lənkəran. Şəhər mərkəzi stadionu

Mənbə: pfl.az

• Pereyranın durumuna aydınlıq gəldi
• ÇL-də həftənin oyunçusu adına namizədlər bəlli olub
• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA
• İrfan Can “Fənər” azarkeşlərindən üzr istəyib