Braziliya milli komandasının sabiq futbolçusu Adriano təxminən il yarım əvvəl özünü öldürmək istəyirmiş. Apasport.az saytının məlumatına görə, İtaliyanın “Roma” klubunun hücumçusunun bu sirrinin üstünü anası açıb.

O bildirib ki, Adriano ötən ilin aprelində həyatından bezib, intihar haqda düşünürmüş. Bu hadisə İtaliyanın “İnter” klubunun onunla müqaviləni pozduğu vaxta təsadüf edib.

6 ay futboldan kənarda qaldıqdan sonra vətənində “Flamenqo”da çıxış edib, yayda “Roma” ilə anlaşan Adrianonun anası buna futbolçunun depressiya keçirməyinin səbəb olduğunu bildirib: “Atasının ölümündən sonra çox ağır durumda idi. Adriano bununla barışa bilmirdi. Belə bir vaxtda onu tənqid edir, ağızlarına gələni yazırdılar. Bu da oğlumun depressiyaya düşməsinə səbəb olmuşdu”.

• "Beşiktaş"da 10 itki birdən: Heyətin yarısı matçı buraxacaq
• "Arsenal"da ciddi itki: İKİ AY YAŞIL MEYDANLARDAN KƏNAR QALACAQ
• "Qarabağ"ın rəqibində yeni müqavilə
• Fransanın liderliyi davam edir - Dembele altıncı oldu
• “Barsa”da istənmədi, PSJ-də “Qızıl Top”u qazandı!