Anar Salmanov cəzalanıb

30.09.2010 - 16:26

FİFA referisi Anar Salmanovun cəzalandırılması dəqiqləşib. Apasport.az saytının məlumatına görə, Unibank Premyer Liqasının VI turunun “Muğan” – “Xəzər Lənkəran” oyunundakı idarəçiliyində səhvlərə yol verən 30 yaşlı ədalət təmsilçisi həmin nöqsanlar üzündən yaşıl meydanlardan uzaq qalıb.

Belə ki, AFFA-nın Hakimlər Komitəsi artıq ikinci dəfədir onu çempionat oyununa göndərmir. Bu da onun cəzalandırılması anlamına gəlir. Düzdür, komitə cəza ilə bağlı qərarını açıqlamayıb. Lakin ilk 6 turdan 5-də (4 dəfə baş hakim) iş başında olan Salmanovun iki turdur “dincəlməsi” bunun cəza ilə bağlı olmasından xəbər verir.

Qeyd edək ki, Peşəkar Futbol Liqasının VIII tur çün açıqladığı təyinatlarda Salmanovun adı yoxdur.

Unibank Premyer Liqası
VIII tur
1 oktyabr (cümə)

16:00. "Simurq" - "Qəbələ"
Hakimlər: Ceyhun Haşımov, Coşqun Həsənov, Azad Ə. Hüseynov, Hacıəli Ağayev
Zaqatala şəhər stadionu

18:00. "Neftçi" - AZAL
Hakimlər: Əfqan Həmzəyev, Munis Abdullayev, Eldar Nağıbəyov, Tahir Əhmədov
Tofiq Bəhramov adına Respublika stadionu

18:00. "İnter" - "Muğan"
Hakimlər: Elnur Muradov, Roman Vasilyev, Elşən Acalov, Orxan Məmmədov
"Şəfa" stadionu

2 oktyabr (şənbə)

16:00. "Turan" - "Qarabağ"
Hakimlər: Ramil Diniyev, Samir Hacıyev, Ramiz Əsədov, Əmrah İbrahimov
Tovuz şəhər stadionu

16:00. MOİK - "Gəncə"
Hakimlər: Elvin Əsgərov, Azər Əsgərov, İsgəndər Əliyev, Zahid Həşimov
Tofiq İsmayılov adına Suraxanı qəsəbə stadionu

19:00. "Xəzər Lənkəran" - "Bakı"
Hakimlər: Fariz Yusifov, Elman Musayev, Vaqif Musayev, Fuad Həsənov
Lənkəran şəhər mərkəzi stadionu