“Qarabağ” Unibank Premyer Liqasının VIII turunun “Turan”la oyununa yollanır. Apasport.az saytının məlumatına görə, ağdamlılar Tovuz səfərinə çıxmazdan əvvəl Suraxanı qəsəbə stadionunda məşq keçməyi də planlaşdırır.

Yalnız nahardan sonra Bakını tərk edəcək Qurban Qurbanovun yetirmələri oyunun keçiriləcəyi Tovuza deyil, qonşu Qazaxa yollanacaq. Səfərə 19 futbolçu ilə yollanacaq komanda Qazax Olimpiya İdman Kompleksində məskunlaşacaq. Oyun öncəsi Tovuzda məşq etməyi planlaşdırmayan “Qarabağ” Azərbaycan çempionatındakı yubiley, 500-cü matçına son hazırlığını da elə Qazaxda keçirəcək.

Qeyd edək ki, sabah keçiriləcək “Turan” – “Qarabağ” saat 16:00-da başlayacaq.

• Mourinyonun müqaviləsinin detalları açıqlandı - hər iki tərəf xitam verə bilər
• Pereyranın durumuna aydınlıq gəldi
• ÇL-də həftənin oyunçusu adına namizədlər bəlli olub
• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA