“Azərbaycana yollananda düşünmürdüm ki, karyeramı orada bitirəcəyəm”. Apasport.az saytının məlumatına görə, bu sözləri Ukrayna milli komandası və “Şaxtyor” klubundakı çıxışları ilə tanınan Mixail Starostyak deyib.

Karyerasının son illərini Zaqatalanın “Simurq” klubunda keçirən müdafiəçi Ukrayna mətbuatına verdiyi müsahibədə ölkəmizi də xatırlayıb. Starostyak “Simurq”dakı günləri haqda danışarkən, hazırda Bakının “İnter” klubunda Kaxaber Sxadadzenin köməkçisi olan Georgi Çixradze ilə münasibətlərini də açıqlayıb: “Komandamız Zaqatalada məskunlaşmışdı. Ora heç şəhər də deyil, paytaxt Bakıdan çox uzaqdadır. Hətta Tiflis daha yaxındır, Gürcüstan paytaxtına cəmi 150 kilometrdir. İmkan düşən kimi, 1-2 günlük Tiflisə gedirdim. “Şaxtyor”da oynamış dostum Georgi Çixradzeni ziyarət edirdim”.

Qeyd edək ki, Starostyak 2007-09-cu illərdə “Simurq”un şərəfini qoruyub.

• Almaniya millisinin üzvü karyerasını başa vurub
• Mourinyonun müqaviləsinin detalları açıqlandı - hər iki tərəf xitam verə bilər
• Pereyranın durumuna aydınlıq gəldi
• ÇL-də həftənin oyunçusu adına namizədlər bəlli olub
• Mateuş Silva Çempionlar Liqasının rəmzi heyətində