İspaniyada nəşr olunan “Marka” qəzeti Cənubi Afrika Respublikasında keçirilmiş dünya çempionatının final mərhələsinin ən yaxşı oyunçusunun adını açıqlayıb. Apasport.az saytının məlumatına görə, mundialın başa çatmasından 2 ay sonra İspaniya yığmasının qapıçısı İker Kasilyas bu nominasiyada birinci yerə layiq görülüb.

İker mükafatlandırma mərasimində bildirib ki, dünyanın ən yaxşısı seçilməsindən məmnundur: “Bu ada layiq görülməyimdən qürur duyuram. Fikrimcə, aldığım mükafatda komanda yoldaşlarımın, texniki heyətin və azarkeşlərimizin rolu böyükdür”.

Qeyd edək ki, Kasilyas Cənubi Afrika Respublikasında İspaniya yığmasının heyətində dünya çempionluğunu bayram etmişdi.

• Almaniya millisinin üzvü karyerasını başa vurub
• Mourinyonun müqaviləsinin detalları açıqlandı - hər iki tərəf xitam verə bilər
• Pereyranın durumuna aydınlıq gəldi
• ÇL-də həftənin oyunçusu adına namizədlər bəlli olub
• Mateuş Silva Çempionlar Liqasının rəmzi heyətində