Azərbaycan milli komandasının kapitanı Rəşad Sadıqovun çıxış etdiyi Türkiyənin “Əskişəhərspor” klubu növbəti oyununu keçirib. Apasport.az saytının məlumatına görə, Bülənt Uyğunun yetirmələri Superliqanın 20-ci turunda “Qalatasaray”ın qonağı olublar. Son 8 matçda uduzmayan, 4 oyundur qol buraxmayan “Əskişəhərspor” bu dəfə meydanı başıaşağı tərk edib – 2:4. İstanbullular qarşılaşmanın taleyini artıq ilk yarıda həll edib 3 cavabsız qol vurublar. Qonaqlar görüşün sonlarında fərqi minimuma endirsə də “Cim-Bom” daha bir dəfə fərqlənə bilib. Sadıqov bu dəfə də meydana çıxmayıb.

Qeyd edək ki, bu məğlubiyyətdən sonra hesabında 28 xal olan “Əskişəhərspor” 3 pillə geriləyərək 9-cu pilləyə enib.

• "Napoli" braziliyalının transferini açıqlayıb
• "Auqsburq" "Bavariya"nın 27 oyunluq məğlubiyyətsiz seriyasına son qoyub
• "Komo" ilk dəfə bir matçda altı qol vurub
• La Liqada ən çox qazananlar: “Real Madrid” liderdir
• “Bornmut”un müdafiəçisi “Yuventus”un radarında