Naci Şensoyun 1879 gün gözlədiyi sevinc

12.02.2011 - 15:50

Türkiyəli mütəxəssis Naci Şensoy 1873 günlük fasilədən sonra Azərbaycan milli çempionatına qayıtdı. Apasport.az hesablamalarına görə, 53 yaşlı çalışdırıcı qış fasiləsində qayıtdığı Tovuzun “Turan” klubunun baş məşqçi postunda bunadək sonuncu 2005-ci ilin dekabrın 17-də Qusarda yerli “Şahdağ”la oyuna çıxmışdı. Qolsuz bərabərliklə nəticələnən həmin görüşdə sonra 2005/06 mövsümündə ilk dövrəyə yekun vurulmuş və Şensoy ölkəmizi tərk etmişdi. Belə ki, dövrlərarası fasilədə siyasətini dəyişdirən “Turan” legionerlərindən imtina edərək, yerli gənc futbolçulardan təşkil olundu. Çempionluğa oynayan komandanın birdən-birə iddiasının azalması Şensoyu də gedişinə səbəb oldu.

Premyer Liqamızda qış fasiləsindən sonra ilk oyun bu gün “Turan”ın iştirakı ilə oldu və Şensoy sonuncu pillədə gedən MOİK-lə səfər oyununda 2:0 hesablı qələbəyə sevindi. O, tovuzlularla sonuncu qələbəsini isə 2005-ci ilin dekabrın 11-da, 1880 gün öncə qazanmışdı. Bu, “Xzər Lənkəran”la ev oyununda 1:0 hesablı qələbə olub.

Qeyd edək ki, 3-cü dəfə “Turan”ı çalışdıran Şensoy əvvəllər 2002 və 2004-cü illərdə komandaya gələrək, az sonra ölkəmizdən gedib.

Mehman SÜLEYMANOV