Müasir Azərbaycan futbolunun ən güclü klublarının adları məlum olub. Apasport.az saytı futbolumuzun inkişafa başladığı, klublarımızın dirçəldiyi 2004-cü ildən sonrakı dövrün ən yaxşılarını müəyyənləşdirib.

2004/05 mövsümündən – yeni, yaxşı dayaqlara malik klubların yarandığı, rəqabətə davamsızların sıradan çıxdığı vaxtdan sonrakı dövrdə 6 çempionatı arxada qoyan komandalarımız 7-ci dəfə titul uğrunda mübarizə aparır.

Bu 7 il ərzində bir çox komandalar yaranıb, bir çoxları dağılsa da, 6 klub Premyer Liqanın əbədi sakininə çevrilib. Onların bu müddətdə göstərdiyi nəticələri ümumiləşdirib hansı klubun daha güclü olduğunu bilmək olar.

Düzdür, “Qızıl oyun”da qarşılaşan “Neftçi” və “Xəzər Lənkəran” digərlərindən 1 oyun çox keçirib. Lakin buna baxmayaraq, “İnter” onların hər ikisini arxada qoyub. Bu müddətdə “Bakı” kimi 2 dəfə çempion olan “İnter” ən azı cari mövsümün “altılıq” oyunlarına qədər zirvədə qalacaq. Çünki 9 xallıq fərq onları rəqiblər üçün əlçatmaz edir.

“İnter”in ən yaxın izləyicilərinə gəlincə, “Neftçi” və “Xəzər Lənkəran” hərəyə 1 çempionluq qazandığı kimi, eyni xala da sahibdir. Lakin çempionatda olduğu kimi, burada da şəxsi oyunları əsas götürsək, bakılılar 2-cidir.

Lakin lənkəranlılar hamıdan çox qol vurmağı bacarıblar. Çempionluq sevinci yaşamış “Bakı” isə yalnız 4-cü yerlə kifayətlənib. Son 7 ildə çempionatlarda yalnız 1 bürünc medal qazanan “Qarabağ”ın və əksər hallarda Premyer Liqada qalmağa çalışan “Turan” digərlərindən çox geri qalır.

1	İnter	188	110	48	30	290-124	378
2	Neftçi	189	105	54	30	285-118	369
3	Xəzər Lənkəran	189	106	51	32	302-119	369
4	Bakı	188	103	49	36	276-119	358
5	Qarabağ	188	90	48	50	228-167	318
6	Turan	188	57	43	88	206-246	214

Qeyd edək ki, texniki nəticələr (3:0) top fərqində nəzərə alınıb.

• "Bəzi çiçəklər bəzi torpaqlarda yetişmir" - Super Liqada ayrılıq
• Portuqaliya millisinin üzvü daha 3 il “Əl-Hilal”da
• Kantenin “Fənərbaxça”da qazanacağı məbləğ bəlli oldu
• En-Nesiri rəsmən "ƏL-İTTİHAD"DA
• "Bavariya"da ciddi itki