Mourinyodan möhtəşəm seriya

20.02.2011 - 15:08

İspaniyanın “Real” klubunun baş məşqçisi Joze Mourinyo möhtəşəm seriyasını davam etdirir. Apasport.az saytının məlumatına görə, portuqaliyalı mütəxəssis artıq 9 ildir evdə keçirilən çempionat oyunlarında uduzmur. 2002-ci il fevralın 23-də Portuqaliya çempionatında keçirilən görüşdə “Porto” 2:3 hesabı ilə “Beyra Mar”a uduzmuşdu. Həmin vaxtdan sonra Mourinyo “Porto”, “Çelsi” (İngiltərə), “İnter” (İtaliya) və “Real”da çalışıb ki, onların da heç biri öz meydanında uduzmayıb. Mütəxəssisin milli çempionatlardakı evdə məğlubedilməzliyi 148 oyuna çatıb. Bu matçların 122-də portuqaliyalının yetirmələri 3 xala seviniblər.