Turun mərkəzi oyununun hakiminə hədə-qorxu gəliblər

17.04.2011 - 21:43

Moldova çempionatının hesabat turunda qeyri adi-hadisə baş verib. Apasport.az saytının məlumatına görə, “Rapid” – “Daçiya” qarşılaşmasının baş hakimi Vlad İvançenko görüşə gəlməyib. Ehtiyat hakimin idarə etdiyi görüşü elə 3 ədalət təmsilçisi yola verməli olub. Baş hakimin matça gəlməməsi isə ona hədə-qorxu gəlinməsi ilə bağlı olub. Matçın startına az qalmış federasiyaya müraciət edən referi sms-lə anonim hədə-qorxular aldığını və bu üzdən karyerasını bitirməyə qərar verdiyini bildirib. Artıq məsələ ilə hüquq-mühafizə orqanları məşğul olur.

Qeyd edək ki, turun mərkəzi oyunu olan “Zimbru” – “Şerif” matçına təyinat alan Gennadi Sidenko da eyni halla üzləşib. Lakin o, buna əhəmiyyət verməyərək oyunu idarə edib.