Premyer Liqamızın lazımsız legionerləri

19.04.2011 - 23:01

Azərbaycan Premyer Liqasının ən faydasız legionerlərinin adları açıqlanıb. Apasport.az saytının məlumatına görə, klublarımızın bu mövsüm pul xərclədiyi əcnəbilərin heç də hamısı bunun qarşılığını verməyiblər. Arxada qalan 27 tur ərzində komandalarımızın formasını geyinən gəlmələrin bəziləri aylarla, bəziləri günlərlə ehtiyatda “yatıbsa”, yaşıl meydana həsrət qalanlar da olub.

Çempionatın faydasız əcnəbilərini yayda və qışda transfer olunanlara ayırmaq olar. Ötən ilin yayından ölkəmizdə çıxış edənlərin də özlərini 2 qrupa ayırmaq lazımdır: Artıq geri göndərilənlər və hələ də gününü Azərbaycanda keçirənlər. Birincilərə aid olan 5 futbolçu var ki, onlar 1-2 oyunda meydana çıxmaqla “səviyyəsini” göstərib.

futbolçu	oyun	klubu
Vadim Kriçmar	1	Muğan
Vladimer Burduli	1	Neftçi
Marat Dzaxmişev	1	Turan
Davit İmedaşvili	1	Xəzər Lənkəran
Abiodun Laval	2	AZAL

Cari mövsüm elə legionerlər də olub ki, onların yalnız adlarını görmüşük. Bəzən əvəzedici heyətdə çıxış edən bu oyunçular hələ də Premyer Liqada meydana çıxmayıb. Belə gəlmələr, əslində 7 nəfər olsa da, onlardan biri milliləşən dağıstanlı Osman Umarovdur.

futbolçu	klubu
Osman Umarov	Qarabağ
Veliçko Veliçkov	Qəbələ
Julio Sezar Almeyda	Qəbələ
Lopes Marko Tujino	Turan
Zurab Xurtsidze	Turan
Marius Kazlauskas	AZAL
Nəriman Həsənov	Muğan

Nadir hallarda da olsa, meydana çıxan legionerlər isə 2 qrupda yer alır. Bunlardan bəziləri qışda gəlsə də, baş tutan 8 turda o qədər də şans qazanmayıb.

futbolçu	klubu	oyun	Dəqiqə
Yevgeni Kopil	Xəzər Lənkəran	1	90
Yasin Hima	Neftçi	2	45
Con Kollins	Qəbələ	2	149
Alhassan Banqura	Qəbələ	3	242
Nikolae Musat	Xəzər Lənkəran	3	225

İndiki klubunda 1 oyun keçirmiş Jivko Jelev (“Simurq”), Baçana Sxadadze (“İnter”) və 3 matça çıxan Mario Souza (“Simurq”) faydasız legioner sayılır. Lakin onlar mövsümün ilk 19 turunda başqa klubda çıxış ediblər. Yayda klubu dəyişmək isə faydasız olub. Hərçənd Jelev əvvəl də heç nə ilə fərqlənməyib. Mövsüm boyu oyunların heç 25 faizində də oynamayan futbolçular da var. Bunlar 7-dən az qarşılaşmanın iştirakçısı olmuş 8 əcnəbidir ki, onlardan ikisi milliləşən rusiyalıdır. Ruslan Kurbanov daha çox əvəzedici heyətdə yer alırsa, Sergey Sokolov karyerasının sonlarını yaşadığından heyətə düşmək uğrunda mübarizə apara bilmir.

Futbolçu	klubu	oyun	Dəqiqə
Şamil Saidov	Turan	1	5
Ruslan Kurbanov	Neftçi	2	46
Marko Tulio	Turan	2	110
Jivko Jelev	İnter+Simurq	2	168
Xalidu Sissoko	Bakı	3	270
Daniel Genov	İnter	5	73
Patrik Nukeu	Gəncə	6	220
Sergey Sokolov	Qəbələ	6	540