Qurban Qurbanovun yubiley matçı

21.04.2011 - 13:41

Azərbaycan Premyer Liqasının XXVIII turu “Qarabağ” klubunun çalışdırıcısı Qurban Qurbanov üçün əlamətdar olacaq. Apasport.az saytının məlumatına görə, 39 yaşlı mütəxəssis baş məşqçi kimi karyerasının yubiley – 150-ci matçına çıxacaq.

Tofiq İsmayılov adına Suraxanı qəsəbə stadionunda baş tutacaq yubiley matçındakı rəqib də Qurbanov üçün xüsusi əhəmiyyət kəsb edir. Belə ki, o, futbolçu karyerasını bitirib, funksioner kimi fəaliyyətinə məhz “İnter”də başlamışdı.

Bu oyunadək 2 klubla müxtəlif səviyyələrdə 149 oyun keçirən baş məşqçinin bu vəzifədə debütü “Neftçi”də gerçəkləşib. 2006-cı il avqustun 6-da Tofiq Bəhramov adına Respublika stadionunda keçirilən həmin çempionat matçında Qurbanovun yetirmələri “Gənclərbirliyi”nə “dərs keçmişdi” – 6:1. Həmin matçdakı ilk, həm də baş məşqçi Qurbanovun gördüyü ilk qolun müəllifi Georgi Adamiya indi də çalışdırıcının rəhbərliyi altında çıxış edir.

Turnir, klub	Turnir sayı	O	Q	H	M	TOP	X
Azərbaycan çempionatı, “Qarabağ”	3	85	43	24	18	99-64	153
Azərbaycan çempionatı, “Neftçi”	2	28	19	4	5	54-19	61
Azərbaycan çempionatı	5	113	62	28	23	153-83	214
Azərbaycan kuboku, “Qarabağ”	3	12	7	4	1	15-4	25
Azərbaycan kuboku, “Neftçi”	2	8	5	2	1	19-5	17
Azərbaycan kuboku	5	20	12	6	2	34-9	42
Avrokuboklar, “Qarabağ”	2	14	7	4	3	17-15	25
Avrokuboklar, “Neftçi”	1	2	1	0	1	3-4	3
Avrokuboklar	3	16	8	4	4	20-19	28
“Qarabağ”	8	111	57	32	22	131-83	203
“Neftçi”	5	38	25	6	7	76-28	81
Azərbaycan çempionatı	13	149	82	38	29	207-111	284