“Qəbələ” “Sautempton” “sədd”inə ilişdi

22.04.2011 - 23:04

Türkiyədə Beynəlxalq Kuşadası turnirində qrup mərhələsini uğurla adlayan “Qəbələ”nin 14 yaşa qədər futbolçulardan ibarət komandası 1/8 final mərhələsində də müvəffəqiyyət qazanıb. Klubdan apasport.az saytına verilən xəbərə görə, yerli “Turqutluspor”la üzləşən təmsilçimiz Əli Səmədovun qolu sayəsində rəqibini 1:0 hesabı ilə məğlub edib.

1/4 finalda İngiltərənin “Sautempton” klubuyla qarşılaşan “Qəbələ” təəssüf ki, məğlubiyyətlə barışmalı olub – 0:1. 5-8-ci yerlər uğrunda mübarizə aparan komandamız bu gün növbəti oyununu keçirəcək.