Əvvəl yubiley, sonra rekord

24.04.2011 - 11:23

İspaniyanın çempionatının “Osasuna” ilə oyunu “Barselona” klubunun qapıçısı Viktor Valdes üçün əlamətdar olub. Apasport.az saytının məlumatına görə, 20 yaşında Kataloniya təmsilçisində debüt edən qolkiper bu klubun heyətində 400-cü oyununu keçirib. 2002-ci il avqustun 14-də Çempionlar Liqasının Polşa “Legiya”sı ilə matçında debüt edən Valdes 400 həddinə 9 ilə çatıb. O, 1986-94-cü illərdə komandada 410 oun keçirmiş Andoni Subisarettaya məxsus rekordu qırmağa da yaxındır.

Qeyd edək ki, Valdes 400 oyunda 307 top buraxıb.