Türkiyə yığmasının sabiq baş məşqçisi Fatih Terim “təkliflər yağışı”na düşüb. Apasport.az saytının məlumatına görə, il yarımdır işsiz qalan təcrübəli mütəxəssis dünyanın müxtəlif yerlərindən cəlbedici dəvətlər alır.

Bunun ardı-arası kəsilmir və Terim seçim edərsə, maddi vəziyyətini xeyli yaxşılaşdıracaq. Moskva “Spartak”ı Terimə 1 ildə 3 milyon avro maaş və 100 milyon avroluq transfer büdcəsi ayırıb.

Bu gün isə “İmperator”un Birləşmiş Ərəb Əmirliklərindən təklif alması ilə bağlı xəbər yayılıb. Terimi David O’Lirinin istefasından sonra “Əl-Əhli” klubunun baş məşqçi postuna aparırlar. Həmin vəzifəyə italiyalı Alberto Zakkeroni ilə fransalı Bruno Metsyu da namizəddir. Ərəblər yeni çalışdırıcıya illik 4 milyon avro məvacib verir.

Terim Oman milli komandasından da dəvət alıb. Bu ölkənin futbol federasiyasının prezidenti Xalid Bin Hamadi türkiyəli mütəxəssisə ilinə 10 milyon dollar təklif edib.

• “Qalatasaray”ın futbolçusu “Anderlext”in hədəfində
• Kukurelya La Liqa yolunda
• Türkiyə DÇ-2026-da - 24 il sonra - YENİLƏNİB
• “Qalatasaray”ın futbolçusu İtaliyada qalacaq?
• Qanadan mundial öncəsi gözlənilməz addım