2018-ci ildə Rusiyada baş tutacaq dünya çempionatının təşkilat komitəsinin yığıncağı keçirilib. Apasport.az saytının məlumatına görə, təşkilatçılar bir sıra məsələlərlə yanaşı, mundialdan 1 il əvvəl keçirilməli olan Konfederasiyalar Kuboku ilə bağlı da müzakirələr aparılıb.
Həmin yarış ənənəyə uyğun olaraq, dünya çempionatından əvvəl - 2017-ci ildə baş tutacaq. Artıq həmin turnirin qarşılaşmalarını qəbul edəcək şəhərlərin adları da dəqiqləşib. Konfederasiyalar Kubokunun qarşılaşmaları Moskva, Sankt-Peterburq, Kazan və Soçidə keçiriləcək.
Qeyd edək ki, yarışda 8 komanda iştirak edəcək. Təşkilatçılarla yanaşı, son dünya çempionu və 6 Konfederasiyanın (Avropa, Cənubi Amerika, Asiya, Afrika, CONCACAF və Okeaniya) çempionu turnirə qatılacaq.

• Duran Rusiyada ən bahalı futbolçu oldu
• Pulişiç İngiltərəyə qayıdır?
• "İnter" Dimarko ilə bağlı QƏRARINI VERDİ
• Dünya çempionatına səyahət: İLK DAYANACAQ "AZTEKA"
• "Nyukasl"ın kapitanı "Real"ın HƏDƏFİNDƏ