Uinston Parks Flavinyoya çatdı

28.04.2011 - 11:31

NBC Bank Azərbaycan kubokunun bombardirləri siyahısında dəyişiklik baş verib. Apasport.az saytının məlumatına görə, buna “Xəzər Lənkəran” klubunun futbolçusu Uinston Parks səbəb olub.

Yarımfinal mərhələsində vurulan yeganə qolun müəllifi olan kosta-rikalı “Bakı”nın qapısına yol tapmaqla, kubokun cari mövsümündə 3-cü qolunu vurub. Oynadığı bütün kubok matçlarında qol vuran Uinston ardıcıl 3 görüşdür meydanı fərqlənmədən tərk etmir. 1/4 final mərhələsinin “Neftçi” ilə hər 2 qarşılaşmasında fərqlənən mərkəzi amerikalı bütün qollarını paytaxt komandalarına vurub.

Bununla, Parks kubokda 3 qol vuran “Neftçi”nin yarımmüdafiəçisi Flavinyoya çatıb. Lakin braziliyalıdan fərqli, kosta-rikalı bütün qollarını oyundan vurub. Cənubi amerikalı isə 1 dəfə penaltidən rəqib qapısına yol tapıb. Amma meydanda daha az olan Flavinyo şərikini əlavə göstəricidə qabaqlayır.

Buna baxmayaraq, kubokda ən azı 1, bəlkə də hələ 2 dəfə meydana çıxacaq Uinston növbəti qolları ilə vahid liderliyi də ələ ala bilər.

yer	futbolçu	Qol (penalti)	Dəqiqə
1	Flavinyo (“Neftçi”)	3 (1)	180
2	Uinston Parks (“XəzərLənkəran”)	3	193
3	Ceyhun Sultanov(“Gəncə”)	2 (1)	95
4	Girts Karlson(“İnter”)	2	173
5	Emin Mehdiyev(“Abşeron”)	2	222
6	RövşənƏmiraslanov (“İnter”)	2	247
7	Eleandro Pema (AZAL)	2	253