“Turan” futbolçulara borcunu ödədi

29.04.2011 - 16:33

Tovuzun “Turan” klubunda maddi problemlər həll olunub. Bu haqda apasport.az saytına komandanın baş məşqçisi Naci Şensoy məlumat verib.

Türkiyəli mütəxəssis bu sarıdan heç bir sıxıntılarının olmadığını bildirib: “Hazırda maddi problemimiz yoxdur. Maaşların gecikdirilməsi aradan qaldırıldı. Futbolçuların pulları verildi. İndi klub rəhbərliyinin futbolçulara və məşqçilərə 1 qəpik borcu yoxdur. “Turan”la hələ 1,5 illik müqaviləm var. Anlaşmamın sonuna kimi fəaliyyətimi davam etdirmək niyyətindəyəm”.