“Qarabağ”ın baş məşqçisi Qurban Qurbanov futbolçuların milli komanda barədə danışmasına qadağa qoymasının səbəbini açıqlayıb. Apasport.az saytının xəbərinə görə, gənc çalışdırıcı yığmanın “sükanı arxası”nda olan almaniyalı həmkarı Berti Foqtsun tənqid edilməsindən narazıdır: “Komandamızdan yığmaya bir neçə oyunçu çağırılır. Belçika ilə matçdan sonra onlar onsuz da üzgündür. Psixoloji cəhətdən özlərinə gəlməlidirlər. İstəmirəm ki, bu vəziyyətdə ara gərginləşsin. Biri hirslənib bir söz deyəcək, – istəmirəm belə olsun”.

Qurbanov bildirib ki, futbolçuların əsas fikirlərini çempionata yönəltmələrini istəyir: “Millinin növbəti oyununa xeyli var, indi çempionatın ən qızğın çağıdır. Qoy, hər şeyi yaddan çıxarıb, bütün fikirlərini bura yönəltsinlər. Özüm də futbolçu olmuşam. Bilirəm ki, fikir yayınanda, heç nə alınmır”.

• "Marsel" baş məşqçisi ilə yollarını ayırdı - YENİLƏNİB
• "Yunayted" seriyanı pozdu - Azarkeşin istəyi baş tutmadı
• "Yunayted" kapitanı ilə bağlı QƏRARINI VERİB
• Salah ərəblərin radarında
• Duran Rusiyada ən bahalı futbolçu oldu