Milli futbolçular arasında qalmaqal

30.04.2011 - 23:21

“Neftçi” klubunun kapitanı Rail Məlikov “Xəzər Lənkəran”ın futbolçusu Elnur Allahverdiyevin son günlər mətbuata verdiyi açıqlamalara münasibət bildirib. Apasport.az saytının xəbərinə görə, Məlikov yığmamızda çiyin-çiyinə oynadığı Abdullayevin ünvanına sərt fikirlər səsləndirib: “Biz həmişə bir atalar sözünə üstünlük verərək, neytral dayanmışıq: İt hürər, karvan keçər. Amma indi it hürmür, çaqqal ulayır, karvan keçir. Bundan əvvəl “Xəzər Lənkəran”ın bir futbolçusu da demişdi ki, penaltiləri həmişə "Neftçi"nin lehinə verirlər. Amma "Xəzər Lənkəran" - "Neftçi" qarşılaşmasında son dəqiqələrdə qapımıza 11 metrlik cərimə zərbəsi veriləndə, "Xəzər Lənkəran" - "İnter" oyununda meydan sahiblərinin qapısına təmiz penalti verilməyəndə, heç biz danışmırdıq. Çünki biz peşəkarıq və başımızı aşağı salıb futbolumuzu oynayırıq”.