“Neftçi” braziliyalı futbolçusu Flavinyonun transfer məsələsini həll edib. Bu haqda apasport.az saytına “ağ-qaralar”ın baş məşqçisi Arif Əsədov məlumat verib.

Əsədov ötən yay Braziliyanın “Qremio Prudente” klubundan 1 illiyə icarəyə götürülən 28 yaşlı yarımmüdafiəçini aldıqlarını bildirib: “Flavinyonun transfer hüquqları artıq bizə məxsusdur. Onunla 3 illik müqaviləmiz var. İndi icarəsi bitməkdə olan yalnız Bahodir Nasimovun məsələsi qalıb ki, bu da yaxın vaxtda həllini tapacaq. Nasimovun müqavilə ilə məxsus olduğu “Rubin”lə danışıqları müsbət yekunlaşdırmağa çalışacağıq. Qalan legionerlərlə, o cümlədən, yerli futbolçularla 2-3 illik müqaviləmiz var. Buna görə də indiki heyətimizi qoruyacağıq”.

Qeyd edək ki, “Neftçi”nin ötən yay icarəyə götürdüyü hər 2 legioner etimadı doğrultdu. Nasimov 15 qolla uzun müddətdir çempionatın bombardiridir. Ondan 4 qol az vuran Flavinyo isə komandasının 2-ci ən sərrast futbolçusudur. Ölkəmizdə oynayan ən səviyyəli legionerlərdən olan braziliyalı 2 dəfə ayın ən yaxşısı seçilməklə, buna ilk dəfə nail olan futbolçudur.

Mehman SÜLEYMANOV

• Hakiminin taleyinə aydınlıq gəlib
• Ronaldo Çempionlar Liqası matçını buraxacaq
• Messi "840"a çatdı
• Kyellini yenidən "Yuventus"da - RƏSMİ
• "Yuventus" səfərdən xalla dönür, "Milan"dan darmadağın