Beynəlxalq Futbol Tarixi və Statistikaları Federasiyası (İFFHS) öz ölkələrinin yüksək liqalarında ən uzun “quru seriya”ya malik olan qapıçılarının siyahısını açıqlayıb. Apasport.az saytının məlumatına görə, müəyyən dəyişikliklərə məruz qalıb yenilənən cədvəldə artıq 660 dəqiqə həddini keçən 459 göstərici əks olunub.

Ötən siyahı ilə müqayisədə daha 11 seriya qeydiyyatdan keçib. Bunlardan 2-si 1100 dəqiqədən də yüksək nailiyyətdir. Adel Nefzi isə ümumiyyətlə ilk “10-lug”a daxil olub. Afrikalı Qaetan Huarı (“Bordo”, Fransa) 11-ci pilləyə yuvarlayıb.

Bu dəyişikliklər Azərbaycan çempionatında qeydə alınıb bu siyahıya düşən 15 göstəriciyə də təsirsiz ötüşməyib. Ən yaxşılarınız Nizami Sadıqov, 2 seriyaya malik Xalidu Sissoko 2 addım geriləyib. Onların yerindən tərpənməsinə məhz tunislilər səbəb olub. Digər qapıçılarımız isə daha çox, bəziləri 10-11 pillə aşağı yuvarlanıb.

Qeyd edək ki, qapıçılarımızın İFFHS-in siyahısına düşməsində birbaşa apasport.az saytının rolu var. Bu qurumun üzvü olan saytımızın əməkdaşı Vüqar Xeyrullayev bütün qapıçılarımızın da göstəricilərini göndərib.

İlk “onluq”

1. Geraldo Pereyra de Matos Filyo "Mazaropi (“Vasko da Qama”, Braziliya) – 1816 dəqiqə
2. Tabet Əl-Bətəl (“Nasyonal”, Misir) – 1442
3. Dani Verlinden (“Brügge”, Belçika) - 1390
4. Joze Mariya Buljubasiç (“Universidad Katolika”, Argentina) - 1352
5. Tabet Əl-Bətəl (“Nasyonal”, Misir) – 1325
6. Edvin van der Sar (“Mançester Yunayted”, İngiltərə) – 1311
7. Əssam Əl-Hadari (“Nasyonal”, Misir) – 1288
8. Samir Səid (“Əl-Ərəbi”) - 1283
9. Abel Resino Gomes (“Atletiko”, İspaniya) – 1275
10. Adel Nefzi (“Afrikain”, Tunis) - 1270

Premyer Liqanın İFFHS-dəki təmsilçiləri

25. Nizami Sadıqov (“Turan”) – 1106 dəqiqə
58. Xalidu Sissoko (“Bakı”) – 985 dəqiqə
61. Xalidu Sissoko (“Bakı”) – 971 dəqiqə
64-65. Camaləddin Əliyev (“Qarabağ”) – 958 dəqiqə
69. Pavel Doroşev (“Qəbələ”) – 952
74-75. Elxan Həsənov (“Neftçi”) – 943 dəqiqə
166-167. Dmitri Kramarenko (“Karvan”) – 798 dəqiqə
203-204. Dmitri Kramarenko (“Neftçi”) – 772 dəqiqə
243. Rauf Mehdiyev (“Olimpik”) – 746 dəqiqə
246-247. Elşən Poladov (“Bakı”) – 744 dəqiqə
249-252. Nadir Şükürov (“Dinamo”) – 741 dəqiqə
265. Aleksandr Martyoşkin (“Xəzər Lənkəran”) – 735 dəqiqə
294-301. Kamran Ağayev (“Xəzər Lənkəran”) – 720 dəqiqə
351-353. Camaləddin Əliyev (“Qarabağ”) – 700 dəqiqə
409-414. Rauf Mehdiyev (“Olimpik”) – 676 dəqiqə

• Kvaratsxeliya rəsmən PSJ-də
• "Hatayspor"da yeni baş məşqçi
• Mahirin komanda yoldaşı karyerasını İngiltərədə davam etdirə bilər
• Dünən gəldi, bu gün zədələndi: Türk klubunda şanssızlıq
• Braziliyalı mövsümü erkən başa vurdu