“Gərgin və ağır oyun oldu. Allaha şükürlər olsun ki, qələbə qazandıq və finala yüksəldik”. Bu sözləri apasport.az saytına açıqlamasında “İnter”in hücumçusu David Odikadze deyib.

Azərbaycan kubokunun yarımfinal mərhələsinin cavab oyununda AZAL-la qarşılaşan “İnter” minimal hesablı qələbə qazanıb. Matçın taleyini həll edən qolu isə gürcüstanlı futbolçu vurub.

Qarşılaşma başa çatdıqdan sonra finala yüksəlməyin sevincini yaşayan “bankirlər”in forvardı qol vurmasını qabartmağı lazım bilməyib: “Əsas olan komandanın uğurudur. Qol vurmağım yaxşı haldır. Vura bilmədiyim epizodlar da oldu”.

Finaldakı rəqib haqda da danışan Odikadze “Xəzər Lənkəran”ı ən güclülərdən hesab edir: “Bizi finalda çətin oyun gözləyir. Rəqibimiz olan “Xəzər Lənkəran” Azərbaycanın ən güclü klublarındandır. Bununla belə, şanslar bərabərdir. Həmin gün yaxşı hazırlaşan komanda qalib gələcək”.

• Emre Belözoğlu “Antalyaspor”da
• Kvaratsxeliya rəsmən PSJ-də
• "Hatayspor"da yeni baş məşqçi
• Mahirin komanda yoldaşı karyerasını İngiltərədə davam etdirə bilər
• Dünən gəldi, bu gün zədələndi: Türk klubunda şanssızlıq