Çempionların dueli və “gümüş savaşı”

06.05.2011 - 13:56

Sabah Azərbaycan Premyer Liqasında XXX tura start veriləcək. Apasport.az saytının məlumatına görə, turun mərkəzi görüşü Lənkəranda olacaq.

Artıq çempionluğu itirməsi dəqiqləşən “Xəzər Lənkəran”la “Qarabağ” gümüş medal uğrunda həlledici matça çıxacaqlar. Meydan sahibləri qalib gələrsə, ikinciliyi demək olar təmin edəcəklər. Hər halda, finişə 2 tur qalmış ən yaxın izləyici ilə 4 xal fərqi böyük üstünlükdür. “Qarabağ” Lənkəranda yenə qalib gələrsə, nəinki rəqibini keçəcək, həm də şəxsi oyunlarda üstünlüyə malik olacaq. Yəni, “Qarabağ” 4 oyundan 2-də qalib gəldiyi üçün xallar bərabər olsa belə, “ağ-yaşıllar”dan irəlidə olacaq.

Bu tur mərkəzi arenada yeni çempion son çempionla qarşılaşacaq. Ötən tur 6 illik çempionluq həsrətinə son qoyan “Neftçi” titulunu itirən “İnter”i qonaq edəcək. “Bankirlər” ölkə kubokunun finalına çıxsa da, Avroliqaya vəsiqəni təmin etməyiblər. Komanda həlledici oyunda “Xəzər Lənkəran”a uduzarsa, 4-cü yerin sahibi Avroliqaya gedəcək. Hazırda bu pillədə qərarlaşan AZAL 5-ci yerdə olan “İnter”lə gərgin mübarizə aparır. Xal fərqi cəmi 1 olduğundan, mübarizənin sonadək gedəcəyini söyləmək olar.

İkinci “altılığ”ın çempionu olmaq uğrunda mübarizə aparan “Qəbələ” ilə “Muğan” növbəti ev oyunlarını keçirəcəklər. Salyanlılar bu dəfə “Şəfa” stadionunda Mehman Allahverdiyevin baş məşqçi postuna gəlişindən sonra uduzmayan “Gəncə”ni qonaq edəcəklər. “Muğan” cari mövsümdən görüşdüyü rəqibi üzərində ilk qələbəsini qazanmağa çalışacaq.

“Qəbələ” isə cəzalı baş məşqçisi Naci Şensoyu istefaya göndərən, son 3 turda Asim İbrahimovun rəhbərliyi altında oynayacaq “Turan”ı qəbul edəcək. Rəqibini cari mövsümdə yenən qəbələlilər heç qol da buraxmayıb.

7 may

15:00. “Bakı” – AZAL
Bakı. Tofiq Bəhramov adına Respublika stadionu
Cari mövsümdəki oyunlar – 2:3, 0:0, 0:1

16:00. MOİK – “Simurq”
Bakı. “Bakı” klubunun təlim-məşq bazası
Cari mövsümdəki oyunlar – 0:2, 1:1, 2:1

20:00. “Xəzər Lənkəran” – “Qarabağ”
Lənkəran. Şəhər mərkəzi stadionu
Cari mövsümdəki oyunlar – 1:0, 1:2, 0:0

8 may

15:00. “Muğan” – “Gəncə”
Bakı. “Şəfa” stadionu
Cari mövsümdəki oyunlar – 1:1, 0:3, 1:1

15:40. “Neftçi” – “İnter”
Bakı. Tofiq Bəhramov adına Respublika stadionu
Cari mövsümdəki oyunlar – 2:0, 1:1, 1:1

16:00. “Qəbələ” – “Turan”
Qəbələ. Şəhər stadionunun ehtiyat meydançası
Cari mövsümdəki oyunlar – 1:0, 1:0, 2:0

Turnir cədvəli

	Komanda	O	Q	H	M	Qollar	Xallar
1	Neftçi	29	19	8	2	52-13	65
2	Xəzər Lənkəran	29	15	10	4	34-16	55
3	Qarabağ	29	16	6	7	36-18	54
4	AZAL	29	12	9	8	32-25	45
5	İnter	29	12	8	9	28-24	44
6	Bakı	29	9	10	10	31-28	37

7	Qəbələ	29	11	11	7	28-17	44
8	Muğan	29	11	8	10	25-28	41
9	Gəncə	29	8	11	10	29-31	35
10	Turan	29	6	6	17	21-41	24
11	Simurq	29	3	7	19	15-46	16
12	MOİK	29	2	6	21	9-53	12