Azərbaycan Premyer Liqasını mükafatla bitirən yeganə əcnəbi mütəxəssis Mirça Rednikin qazanacağı medalın əyarı müəyyənləşib. Apasport.az saytının məlumatına görə, rumıniyalı mütəxəssis gümüş qazanamqla Azərbaycan çempionatında medal əldə edən 8-ci legioner məşqçi olub. Ümumilikdə 9 mükafat qazanan gəlmələr 3 qızıl, 4 gümüş və 2 bürünc əldə ediblər.

“Xəzər Lənkəran”ın sabiq baş məşqçisi Rasim Kara ilə başlayan əcnəbi mükafatçıların siyahısına daxil olan klubun indiki çalışdırıcısı gümüş ənənəni davam etdirib. Adıçəkilənlərin hər ikisinin gümüş qazanması ilə yanaşı son 3 ildə 2-cilik legionerlərə qismət olur. Azərbaycan çempionatında son gümüş qazanan yerli məşqçi Əsgər Abdullayev buna 2007/08 mövsümündə nail olub.

Ümumilikdə isə Rumıniyaya qədər Türkiyə, Ukrayna, Makedoniya və Gürcüstandan olanlar ölkəmizdə medal qazanmışdı. Mükafat sayındakı rekordçu isə Valentin Xodukindir. O, 1 qızıl və 1 gümüşə sevinib. Onun təmsil etdiyi Ukrayna 1 qızıl, 1 gümüş və 2 bürünclə ölkələr arasında liderlik edir. Əcnəbilərlə medal qazanan klublar arasında isə “İnter” öndədir – 2 qızıl və 1 gümüş.

2004/05	Rasim Kara	Xəzər Lənkəran	gümüş	Türkiyə
2007/08	Valentin Xodukin	İnter	qızıl	Ukrayna
2007/08	Anatoli Demyanenko	Neftçi	bürünc	Ukrayna
2008/09	Valentin Xodukin	İnter	gümüş	Ukrayna
2008/09	Qyoko Hacıyevski	Bakı	qızıl	Makedoniya
2008/09	Roman Pokora	Simurq	bürünc	Ukrayna
2009/10	Cüneyt Biçər	Bakı	gümüş	Türkiyə
2009/10	Kaxaber Sxadadze	İnter	qızıl	Gürcüstan
2010/11	Mirça Rednik	Xəzər Lənkəran	gümüş	Rumıniya

• Fabreqas “Komo”dan ayrılır?
• Sabiq “Barselona”lı ərəblərin radarında
• FIFA iki türk klubunu CƏZALANDIRIB
• “İnter” Mxitaryanla müqavilə danışıqlarını dayandırıb
• “Beşiktaş” ispaniyalı müdafiəçi ilə maraqlanır