Premyer Liqada 286 günlük marafon bitdi

19.05.2011 - 16:52

Bu gün Azərbaycan Premyer Liqasında cari mövsümə yekun vurulub. Apasport.az saytının məlumatına görə, ötən ilin avqustun 7-də start götürən sayca 19-cu yarış 286 gündən sonra 2-ci “altılığ”ın oyunları ilə bitdi.

Formal xarakter daşıyan görüşlər gözlənildiyi kimi, məhsuldar alındı. Təsadüfi deyil ki, proqnoz dili ilə desək, oyunların hamısı “bolşe” gəldi və azarkeşlər 3 oyuna 15 qol gördü. Bu isə hər matça orta hesabla 5 top deməkdir.

Əsl qol şousu Zaqatalada oldu. Ən az qol 2-ci “altılıq”da çempionluğun müəyyənləşdiyi görüşdə vuruldu. “Qəbələ” ən yaxın izləyicisi “Muğan”a yenə 2:1 hesabı ilə qalib gələrək, 7-ci pillədə qaldı və 2-ci “altılığ”ın ən güclüsü oldu.

Artıq bir neçə turdur I diviziona düşmələri dəqiqləşən “Simurq”la MOİK qapını möhkəm çırpdılar. Belə ki, autsayderlər çempionatımızın ən köklü klubları olan “Turan” və “Gəncə” üzərində inamlı qələbə qazandılar.

Son pillədə gedən MOİK-in bütün çempionatımızın iştirakçısı olan “Turan”a böyük hesabla qalib gəlməsi diqqəti çəkən oldu. Son oyunu gözləmədən “Simurq”dan ayılaraq, vətəninə yollanan makedoniyalı baş məşqçi Qyoko Hacıyevskinin gedişi komandaya düşərli oldu. Zaqatalılar 0:2 hesabı ilə geridə olduğu oyunda 4 qol vuraraq, qələbəni bayram etdilər.

19 may

MOİK – “Turan” - 4:1
QOLLAR: Orxan Babayev, 47,70, Comərd Baxşəliyev, 49, Natiq Əkbərov, 89 - Azər Məmmədov, 38
Bakı. “Bakı” klubunun təlim-məşq bazasının stadionu
Cari çempionatdakı oyunlar - 0:2, 0:2, 0:1

“Simurq” – “Gəncə” - 4:3
QOLLAR: Əli Bağırov, 44,65, Tofiq Mikayılov, 48, Elvin Yunusov, 64 - Samir Abdulov, 2; Samir Zərgərov, 22, Junivan Suares, 88
Zaqatala. Olimpiya İdman Kompleksinin stadionu
Cari çempionatdakı oyunlar - 1:1, 0:0, 1:0

“Qəbələ” – “Muğan” - 2:1
QOLLAR: Murad Hüseynov, 16, Yaşar Abuzərov,87 - Con Pelu, 38
Bakı. “Şəfa” stadionu
Cari çempionatdakı oyunlar – 2:0, 0:1, 2:1

18 may

“Bakı” – “İnter” - 0:1
Qol: Rövşən Əmiraslanov, 27
Hakimlər: Əliyar Ağayev, Vaqif Musayev, Mübariz Haşımov, Anar Salmanov
Bakı. Tofiq Bəhramov adına Respublika stadionu
Cari çempionatdakı oyunlar – 0:1, 1:2. 1:1

20:00. AZAL – “Qarabağ” - 3:1
Qollar: Mensur Limani, 42, Mirko Bunyevçeviç, 44, Enyo Krastovçev, 89 - Georgi Adamiya, 14
Hakimlər: Fariz Yusifov, Ramiz Əsədov, Munis Abdullayev, Teymur Fərhadov
Bakı. Şüvəlan qəsəbəsindəki AZAL stadionu
Cari çempionatdakı oyunlar – 0:0, 2:0, 0:1

20:00. “Neftçi” – “Xəzər Lənkəran” - 1:1
Qollar: Cavid İmamverdiyev, 46 - Julius Vobay, 47
Qırmızı vərəqə: Rəşad Abdullayev, 52
Hakimlər: Ramil Diniyev, Azər Əsgərov, Yaşar Abbasov, Rəhim Həsənov
Bakı. Tofiq Bəhramov adına Respublika stadionu
Cari çempionatdakı oyunlar – 0:1, 0:0, 1:1

Turnir cədvəli

	Komanda	O	Q	H	M	Qollar	Xallar
1	Neftçi	32	19	10	3	53-17	67
2	Xəzər Lənkəran	32	16	12	4	38-18	60
3	Qarabağ	32	17	7	8	41-22	58
4	AZAL	32	13	10	9	36-28	49
5	İnter	32	13	10	9	29-24	49
6	Bakı	32	10	10	12	33-32	40

7	Qəbələ	32	13	12	7	31-18	51
8	Muğan	32	13	8	11	29-31	47
9	Gəncə	32	8	12	12	33-37	36
10	Turan	32	7	6	19	24-47	27
11	Simurq	32	4	7	21	20-52	19
12	MOİK	32	4	6	22	14-55	18