Avropa Liqasının başa çatan mövsümü qitədə növbəti müzakirələrə səbəb olub. Apasport.az saytının məlumatına görə, “ikinci eşelon” təmsilçisi Portuqaliyanın bu yarışda hegemonluğu Avropanın 2-ci dərəcəli klub turnirinin taleyi ilə bağlı müxtəlif fikirlərə əsas verib.

Qitənin müxtəlif yerlərindən olan həmkarlarımız günü-gündən nüfuzunu itirən yarışla bağlı maraqlı ideyalar irəli sürüblər. Britaniyalı jurnalistlərin 2 təklifi isə daha maraqlı və cəlbedicidir.

Birincisi, Çempionlar Liqası və Avropa Liqasının birləşdirilməsidir. Bütün komandaların eyni yarışda çıxış etməsi nəticəsində qrup mərhələsində də 64 iştirakçı olacaq. Bundan sonra isə pley-off mərhələsinə start veriləcək.

İkinci təkliflə bağlı fikirlərini ifadə edən britaniyalılar Azərbaycan çempionu “Neftçi”ni də nümunə göstəriblər: “2 turnirin qalması isə yalnız bir şərtlə faydalı olar. Əvvəllər olduğu kimi, Çempionlar Liqasına yalnız 32 ölkənin çempionları qatılsın, digərləri isə Avroliqaya getsinlər. Bu zaman hər 2 yarışa maraq olacaq. Belə olan halda, Azərbaycan təmsilçisi “Neftçi” kimi komandalar Çempionlar Liqasında oynamazdı”.

Qeyd edək ki, 1997-ci ilədək məhz 32 komanda Çempionlar Liqasına buraxılır, digər çempionlar UEFA kubokunda oynayırdı.

• Osimhen La Liqada çıxış edə bilər
• FIFA-dan La Liqa klubuna TRANSFER QADAĞASI
• “Qalatasaray”ın matçı bu kanalda - TV AFİŞA
• Sterlinqin yeni klubu BƏLLİ OLUB
• Mərc oyunları qalmaqalı: "Qalatasaray"ın həkimi, "Fənər"in tərcüməçisi...