Qazaxıstanın ən yaxşı futbolçularından olan Nurbol Jumaskaliyev Azərbaycan millisi ilə iyunun 3-də Avro-2012-nin seçmə mərhələsindəki rəsmi oyunda iştirak etməyəcək. Apasport.az saytının məlumatına görə, təcrübəli hücumçunun Astanadakı görüşə çağırılmamağı birmənalı qarşılanmayıb.

Onun oynadığı Astana “Lokomotiv”inin prezidenti Qriqori Loriya futbolçusunun millimizlə görüşdən kənarda qalmasını başa düşmür: “Biz yığmaya 5 futbolçumuzun çağırılması ilə bağlı məlumat almışıq. Bunlardan Marat Şaxmetov ilk dəfə dəvət olunur. Ancaq Jumaskaliyevin niyə oynamadığını yalnız yığmamızın baş məşqçisi Miroslav Beranek bilir”.

Qeyd edək ki, Qazaxıstan Futbol Federasiyası Azərbaycanla oyuna heyəti mayın 26-da açıqlayacaq.

• Osimhen La Liqada çıxış edə bilər
• FIFA-dan La Liqa klubuna TRANSFER QADAĞASI
• “Qalatasaray”ın matçı bu kanalda - TV AFİŞA
• Sterlinqin yeni klubu BƏLLİ OLUB
• Mərc oyunları qalmaqalı: "Qalatasaray"ın həkimi, "Fənər"in tərcüməçisi...