2012-ci il Avropa çempionatının seçmə mərhələsində millimizin rəqibi olan Avstriya yığmasının heyəti açıqlanıb. Apasport.az saytının xəbərinə görə, baş məşqçi Didi Konstantini rəhbərlik etdiyi komandaya Almaniya ilə rəsmi, Latviya ilə yoxlama matçı üçün 23 futbolçu dəvət edib.

Qapıçılar: Hans-Peter Berger, (“Admira”), Kristian Qratsey (“Şturm”), Helge Payer (“Rapid”).

Müdafiəçilər: Floran Klayn, Manuel Ortlexner (hamısı “Austriya”), Ekrem Dağ (“Beşiktaş”, Türkiyə), Aleksandar Draqoviç (“Bazel”, İsveçrə), Kristian Fuxs (“Maynts” Almaniya), Emanuel Poqatets (“Hannover”, Almaniya), Pol Şarner (“Vest Bromviç”, İngiltərə), Tomas Şrammel (“Rid”).

Yarımmüdafiəçilər: Yulian Baumqartlinger, Slatko Yunusoviç (hər ikisi “Austriya”), David Alaba (“Hoffenhaym”, Almaniya), Martin Harnik (“Ştutqart”, Almaniya), Andreas Hölzl, Manuel Ueber (hər ikisi “Şturm”), Stefan Kulovits (“Rapid”), Kristof Leytqeb (“Zalsburq”), Daniel Royer (“Rid”).

Hücumçular: Ervin Hoffer (“Kayzerslautern”, Almaniya), Mark Yanko (“Tvente”, Hollandiya), Roman Kyenast (“Şturm”).

Sonda onu da qeyd edək ki, millimizin AÇ-2012-nin seçmə mərhələsindəki qrupunda Avstriya və Almaniya ilə yanaşı, Türkiyə, Belçika və Qazaxıstan yığmaları da yer alır.

• Kvaratsxeliya rəsmən PSJ-də
• "Hatayspor"da yeni baş məşqçi
• Mahirin komanda yoldaşı karyerasını İngiltərədə davam etdirə bilər
• Dünən gəldi, bu gün zədələndi: Türk klubunda şanssızlıq
• Braziliyalı mövsümü erkən başa vurdu