“Milan” klubunun hollandiyalı futbolçusu Klarens Zeedorf İtaliya A seriyasının ötən turunda “Kalyari” ilə ev oyunundan (4:1) sonra apasport.az saytına müsahibə verib. 35 yaşlı yarımmüdafiəçi İtaliyaya ezam olunmuş əməkdaşımızın suallarını ayaq üstü cavablandırıb.

- Azərbaycanın idman saytı apasport.az-dan çempionluq təbriklərini qəbul edin...
- Sağ olun. Bu, mənin üçün ekzotik təbrikdir (gülür).

- Siz elə sevindirdiniz ki, sanki Skudettonu ilk dəfə qazanmışdınız...
- Bütün stress, yorğunluq ağır mövsümün gedişində yığıldı. Bizə sevinməyə imkan verin! (gülür).

- “Milan”la müqaviləniz cari mövsümün sonunda bitdiyindən, diqqət mərkəzindəsiniz. Komandada qalacaqsınız?
- Mən bu haqda danışa bilmərəm. Çünki indi yalnız yaxşı bayram axşamından başqa heç nə haqda düşünmürəm.

- Ancaq “Milan”dan gedə bilərsiniz?
- Hər şey mümkündür.

- Azərbaycan futbolu ilə tanışsınız?
- Üzr istəyirəm, ancaq tam yox. Ümumi informasiyam var.

- Son vaxtlar Azərbaycan futboluna məşhur legionerlər az cəlb olunmur. Gözəl bir gündə ölkəmizdə oynayacağınızı təsəvvür edirsiniz?
- Bunu mənə təsəvvür etmək çətindir. Çünki Azərbaycanda oynamaq haqda fikirləşməmişəm.

- Bəs imtina edə bilməyəcəyiniz super təklif gəlsə necə? Misal üçün, sizə tanış olan Roberto Karlos da Qafqazda olacağını bilmirdi...
- (gülür) Onda fikirləşərəm. Super təklif olarsa, Azərbaycanda oynamaqla bağlı düşünməyə dəyər.

Rüstəm MİKAYILLI
Milan

• Emre Belözoğlu “Antalyaspor”da
• Kvaratsxeliya rəsmən PSJ-də
• "Hatayspor"da yeni baş məşqçi
• Mahirin komanda yoldaşı karyerasını İngiltərədə davam etdirə bilər
• Dünən gəldi, bu gün zədələndi: Türk klubunda şanssızlıq