AZAL klubunun serbiyalı futbolçusu Draqan Mandiç karyerasını bitirib. Bu barədə apasport.az saytına açıqlama verən komandanın prezidenti Vaqif Qasımov bildirib ki, 35 yaşlı legioner artıq menecerliyə başlayır. Belində problemi olan Draqan bu il cəmi 1 oyun keçirib və xeyli müddətdir vətənində müalicə olunur: “Onunla heç bir problemimiz yoxdur. 5 il komandamızda oynayıb, xidmətləri olub. Sadəcə, belindəki problemə görə həkimlər Mandiçi oynamağa qoymurlar. Deyirlər ki, yaşıl meydana qayıtsa, şikəst olacaq. Təbii ki, biz belə olmasını istəmirik. Üstəlik, Draqanla müqaviləmiz bitir və bizə bağlılığı qalmır”.

Qeyd edək ki, Mandiç çempionatımızda keçirdiyi oyunların sayına (107) görə Usim Ndukadan sonra “təyyarəçilər”in 2-ci rekordçusudur.

Mehman SÜLEYMANOV

• Ferdi “Yunayted”in hədəfində
• “Beşiktaş”ın sabiq futbolçusu İngiltərə klubunda
• “İnter Mayami”dən Messiyə jest
• Mendi məşqlərə başladı
• Argentina millisində itki