Bu gün NBC Bank Azərbaycan kubokunun final matçı keçirilib. Apasport.az saytının xəbərinə görə, Tofiq Bəhramov adına Respublika stadionunda baş tutan “İnter” – “Xəzər Lənkəran” görüşü ilə ölkəmizdə növbəti futbol mövsümünə yekun vurulub.

Fariz Yusifovun idarə etdiyi həlledici oyunun əsas vaxtında qapılara top vurulmayıb. Bu səbəbdən qalibi müəyyənləşdirmək üçün əlavə 30 dəqiqə də oynanılıb. Əlavə vaxtın ilk dəqiqəsində “Xəzər Lənkəran” hesabı açıb. Uinston Parks zərbəsindən sonra qapı tirindən döznən top qapıçı Lomayanın kürəyinə dəyərək tora qovuşub. Amma “ağ-yaşıllar” qələbə hesabını qoruya bilməyiblər. 7 dəqiqə sonra Girts Karlsons bərabərlik topunu vurub.

Növbəti 15 dəqiqədə isə qapılara top vurulmadığından qalib lotereyada – penalti zərbələrindən sonra bəlli olub. 11 metrlik cərimə zərbələrini isə daha dəqiq yerinə yetirən “Xəzər Lənkəran” NBC Azərbaycan kubokunun qalibi olub.

Bununla, “İnter” klubunun avrokuboklara yollanmaq ümidi puça çıxıb. Belə ki, “Xəzər Lənkəran”ın qələbəsi sayəsində çempionatı 4-cü yerdə bitirən AZAL Avroliqaya vəsiqə qazanıb.


NBC Bank Azərbaycan kuboku

Final

24 may

20:00. “İnter” (Bakı) – “Xəzər Lənkəran” - 1:1 (penaltilərlə 2:4)
QOLLAR: Girt Karlsons, 100 - Uinston Parks, 93

Penaltilər seriyası: Mureşan, (0:1); Karlsons, (1:1); Elnur Abdullayev, (1:1); Çervenka, (1:1); Pits, (1:2); Odikadze, (2:2); Kyaku, (2:3); Arif Daşdəmirov, (2:3); Muşat, (2:4)

Hakimlər: Fariz Yusifov, Azər Əsgərov, Munis Abdullayev, Əliyar Ağayev
Bakı. Tofiq Bəhramov adına Respublika stadionu

• Premyer Liqada ayın ən yaxşısı müəyyənləşib
• "Əl-Hilal" seneqallı müdafiəçi ilə müqavilə yeniləyib
• Olisedən fantastik göstərici - AYIN OYUNÇUSU SEÇİLDİ
• Türkiyəli futbolçu A Seriyasında klubunu dəyişə bilər
• Osimhen La Liqada çıxış edə bilər