“Pobeda”mız “05”in altında qaldı
25.05.2011 - 11:27
Azərbaycanın 17 yaşlı futbolçulardan ibarət milli komandasının uğurlu seriyası qırılıb. Apasport.az saytının məlumatına görə, yığmamızın beynəlxalq matçlardakı məğlubiyyətsizliyinə son qoyulub.
Sonuncu dəfə 73 gün əvvəl məğlub olan U-17 Türkiyədə keçirilən Beynəlxalq Kuşadası turnirinin 3-cü yer uğrunda oyununda yenilmişdi. Həmin vaxt – martın 12-də komandamız Türkiyənin Şərq regionu yığmasına 0:1 hesabı ilə uduzmuşdu.
Bu dəfə isə Serbiyada meydan sahibləri komandamızın qapısından 5 cavabsız qol keçiriblər. Türkiyədəki məğlubiyyətdən sonra qələbələri sıralayan yığmamız Qazaxıstanda keçirilən “Prezident kuboku”nda 4 komandanı arxada qoyub. Qrup mərhələsində İranı 2:1, Qazaxıstanı 3:2, Özbəkistanı 3:1 hesabı ilə məğlub edən millimiz finalda Ukraynanı üstələyib. Lakin bu dəfə qolsuz bitən görüşün taleyi oyun sonrası lotereyada həll olunub - 5:4.
Ardınca isə Moldovadakı beynəlxalq turnirə yüksək əhval-ruhiyyədə yollanan millimiz elə ilk oyunda əzmkar qələbə qazanıb. Bu dəfə Litva yığması o vaxtkı qələbələrinə görə “Pobeda” maşınına bənzədilən komandamıza uduzub – 2:1. Biri penaltilər seriyasında olmaqla, ardıcıl 5 qələbədən sonra yığmamız 3 quru oyun keçirib. Moldovadakı turnirdə Rumıniya və meydan sahibləri ilə qolsuz heç-heçələr kubokun sahibi də olmağa imkan vermişdi.
Həmin ölkədəki yoldaşlıq oyununda isə futbolçularımız “Buikani”ni darmadağın etmişdi. Ardıcıl 8 oyunluq məğlubiyyətsizlikdən sonra “Pobeda” Serbiyada “05”in altında qaldı – 0:5.
Sonuncu dəfə 73 gün əvvəl məğlub olan U-17 Türkiyədə keçirilən Beynəlxalq Kuşadası turnirinin 3-cü yer uğrunda oyununda yenilmişdi. Həmin vaxt – martın 12-də komandamız Türkiyənin Şərq regionu yığmasına 0:1 hesabı ilə uduzmuşdu.
Bu dəfə isə Serbiyada meydan sahibləri komandamızın qapısından 5 cavabsız qol keçiriblər. Türkiyədəki məğlubiyyətdən sonra qələbələri sıralayan yığmamız Qazaxıstanda keçirilən “Prezident kuboku”nda 4 komandanı arxada qoyub. Qrup mərhələsində İranı 2:1, Qazaxıstanı 3:2, Özbəkistanı 3:1 hesabı ilə məğlub edən millimiz finalda Ukraynanı üstələyib. Lakin bu dəfə qolsuz bitən görüşün taleyi oyun sonrası lotereyada həll olunub - 5:4.
Ardınca isə Moldovadakı beynəlxalq turnirə yüksək əhval-ruhiyyədə yollanan millimiz elə ilk oyunda əzmkar qələbə qazanıb. Bu dəfə Litva yığması o vaxtkı qələbələrinə görə “Pobeda” maşınına bənzədilən komandamıza uduzub – 2:1. Biri penaltilər seriyasında olmaqla, ardıcıl 5 qələbədən sonra yığmamız 3 quru oyun keçirib. Moldovadakı turnirdə Rumıniya və meydan sahibləri ilə qolsuz heç-heçələr kubokun sahibi də olmağa imkan vermişdi.
Həmin ölkədəki yoldaşlıq oyununda isə futbolçularımız “Buikani”ni darmadağın etmişdi. Ardıcıl 8 oyunluq məğlubiyyətsizlikdən sonra “Pobeda” Serbiyada “05”in altında qaldı – 0:5.
Oxşar xəbərlər
Ana səhifə
Bütün xəbərlər