Argentinada keçirilən Amerika kubokunun 1/4 finalına yekun vurulub. Apasport.az saytının məlumatına görə, artıq son 2 yarımfinalçının adına aydınlıq gəlib. Bunlar iyulun 20-də üz-üzə gələcək Paraqvay və Venesuela milli komandalarıdır.

Paraqvay yığması 5 qat dünya çempionu Braziliyanı rüsvay edib. Daha doğrusu, yarışa əsas heyətlə yollanan sambaçılar özləri özlərini biabır ediblər. Qolsuz bitən matçın penaltilər seriyasında Braziliya kimi komanda 4 zərbədən heç birini vura bilməyib.

Elano, Tyaqo Silva, Abdre Santos və Fredin şansını qaçırması fonunda Paraqvay 3 zərbədən 2-ni vuraraq 2:0 hesablı qələbəni təmin edib. Braziliya yarışın digər favoriti Argentina kimi penaltilər seriyasında uduzaraq, kubok arzusu ilə vidalaşıb. Venesuela isə Çili üzərində 2:1 hesablı qələbə qazanıb.

Qeyd edək ki, iyulun 19-da baş tutacaq digər yarımfinalda Peru və Uruqvay üz-üzə gələcək.

• Mourinyo Çempionlar Liqasında tarixə düşdü
• Bruno Kerrikin taktikasını tənqid etdi, Karragerdən sərt cavab gəldi: “Biabırçılıqdır!”
• TFF Sergen Yalçının köməkçisinə veto qoydu – SƏBƏB
• Skaloni Argentina millisi ilə bağlı qərarını verdi – 2030-cu ilə qədər
• Batrakov İkardi və Jardelin rekordunu təkrarladı