“Dinamo”ya qalib gəlmək üçün son nəfəsimizə kimi çalışacağıq”
18.07.2011 - 14:29
“Baş məşqçi Arif Əsədovun “Dinamo” ilə oyunda mənə böyük ümidlər bəslədiyini hiss edirəm. Sabahkı görüşdə əsas heyətdə özümü ən yaxşı tərəfdən göstərməyə çalışacağam”. Apasport.az saytının məlumatına görə, bunu “Neftçi”nin futbolçusu Ruslan Əmircanov bu gün keçirilən mətbuat konfransında deyib.
26 yaşlı müdafiəçi Çempionlar Liqasının II təsnifat mərhələsində Zaqreb “Dinamo”su ilə cavab oyununda əsas heyətdə meydana çıxacaq. Komandamızın baş məşqçisi Arif Əsədov səfər görüşündə səhvləri olan braziliyalı Alessandro Vyana da Silvanı milli komandamızın üzvü ilə əvəzləyəcək.
Məşqlərdə böyük səylə çalışdığını deyən Ruslan ona düşən şansdan maksimum istifadə etmək fikrindədir: “Meydanda ən yaxşı keyfiyyətlərimi göstərməyə çalışacağam. Əsas heyətdə yer almaq böyük məsuliyyətdir və buna özümü hazır sayıram. Komandamızın lazımı nəticə əldə etməsi üçün əlimdən gələni edəcəyəm. Bu oyunla əsas heyətdə yerimi qaytarıb, möhkəmlənmək istəyirəm. Baş məşqçimizin etimadını doğrultmaq istəyirəm”.
Əmircanovun sözlərinə görə, Xorvatiya paytaxtında böyük hesablı məğlubiyyətdən sonra psixoloji durumlarını yüksəltməyə çalışırlar: “Səfərdəki nəticədən sonra ruh düşkünlüyü vardı. Biz futbolçular öz aramızda yığışıb, məğlubiyyətin səbəblərini araşdırır, psixoloji durumu yaxşılaşmaq yönündə söhbətləşirik. Məşqlərdə bir-birimizi ruhlandırır, dəstəkləyirik. “Dinamo”ya qalib gəlmək üçün son nəfəsimizə, son qanımıza kimi çalışacağıq”.
“Neftçi”də daha çox ehtiyatda qalan Ruslanın müdafiənin sol cinahında işi asan olmayacaq. Çünki rəqib sürətli, cinahdan təhlükəli oyunu ilə seçilir. Təsadüfi deyil ki, “Dinamo” qapımıza ilk 2 qolu sol cinahdan vurdu ki, Əmircanov sabah həmin mövqedə yer alacaq. Müdafiəçi özünü bu çətin sınağa hazır sayır: “Ümumiyyətlə, komandamızda fiziki durumuna görə hazır vəziyyətdədir. Təlim-məşq toplanışlarımız zamanı fiziki hazırlıq üzərində çox çalışırıq. Bu cəhətdən geri qalmırıq. Özümüzə güvənirik və inanırıq ki, bizə bəslənilən ümidləri doğrulda bilərik”.
Mehman SÜLEYMANOV
26 yaşlı müdafiəçi Çempionlar Liqasının II təsnifat mərhələsində Zaqreb “Dinamo”su ilə cavab oyununda əsas heyətdə meydana çıxacaq. Komandamızın baş məşqçisi Arif Əsədov səfər görüşündə səhvləri olan braziliyalı Alessandro Vyana da Silvanı milli komandamızın üzvü ilə əvəzləyəcək.
Məşqlərdə böyük səylə çalışdığını deyən Ruslan ona düşən şansdan maksimum istifadə etmək fikrindədir: “Meydanda ən yaxşı keyfiyyətlərimi göstərməyə çalışacağam. Əsas heyətdə yer almaq böyük məsuliyyətdir və buna özümü hazır sayıram. Komandamızın lazımı nəticə əldə etməsi üçün əlimdən gələni edəcəyəm. Bu oyunla əsas heyətdə yerimi qaytarıb, möhkəmlənmək istəyirəm. Baş məşqçimizin etimadını doğrultmaq istəyirəm”.
Əmircanovun sözlərinə görə, Xorvatiya paytaxtında böyük hesablı məğlubiyyətdən sonra psixoloji durumlarını yüksəltməyə çalışırlar: “Səfərdəki nəticədən sonra ruh düşkünlüyü vardı. Biz futbolçular öz aramızda yığışıb, məğlubiyyətin səbəblərini araşdırır, psixoloji durumu yaxşılaşmaq yönündə söhbətləşirik. Məşqlərdə bir-birimizi ruhlandırır, dəstəkləyirik. “Dinamo”ya qalib gəlmək üçün son nəfəsimizə, son qanımıza kimi çalışacağıq”.
“Neftçi”də daha çox ehtiyatda qalan Ruslanın müdafiənin sol cinahında işi asan olmayacaq. Çünki rəqib sürətli, cinahdan təhlükəli oyunu ilə seçilir. Təsadüfi deyil ki, “Dinamo” qapımıza ilk 2 qolu sol cinahdan vurdu ki, Əmircanov sabah həmin mövqedə yer alacaq. Müdafiəçi özünü bu çətin sınağa hazır sayır: “Ümumiyyətlə, komandamızda fiziki durumuna görə hazır vəziyyətdədir. Təlim-məşq toplanışlarımız zamanı fiziki hazırlıq üzərində çox çalışırıq. Bu cəhətdən geri qalmırıq. Özümüzə güvənirik və inanırıq ki, bizə bəslənilən ümidləri doğrulda bilərik”.
Mehman SÜLEYMANOV
Oxşar xəbərlər
Ana səhifə
Bütün xəbərlər