“Neftçi”nın yarımmüdafiəçisi Rodriqinyo bu gün vətəninə yola düşüb. Apasport.az-ın klubun rəsmi saytına istinadən məlumatına görə, braziliyalı futbolçu sol dizinin ön çarpaz bağının tam qopması, xarici yan bağın tam qırılması və arxa çarpaz bağın qismən qırılması diaqnozu ilə əməliyyat olunacaq. Bu prosesi məşhur həmyerlisi – İspaniyanın “Real” (Madrid) klubunun ulduz futbolçusu Kakanı əməliyyat edən professor yerinə yetirəcək. Əməliyyat San Paolo klinikalarından birində reallaşacaq.

Qeyd edək ki, Rodriqinyo iyulun 19-da keçirilən UEFA Çempionlar Liqasının ikinci təsnifat mərhələsinin Zaqreb “Dinamo”su ilə cavab görüşünün artıq 6-cı dəqiqəsində rəqibin bilərəkdən kobud oyunu nəticəsində zədələnərək, meydançanı tərk etmək məcburiyyətində qalmışdı.

• İngiltərə millisinin üzvü “Çelsi”dən ayrılır?
• Günün oyunları bu kanallarda
• “Qalatasaray”ın heyəti açıqlandı: OSİMHEN YOXDUR
• "Fənərbaxça"da ŞOK İTKİ
• "Fənər"də 2 itki birdən: Cavab matçında iştirak etməyəcəklər